SOBRE MIN

Ao pouco de nacer teño as miñas primeiras experiencias en torno á música tradicional. Crezo como gaiteiro, percusionista e bailador. Estudo o Ciclo Superior de Audiovisuais, Conservatorio Profesional de Música con gaita e o grado de Produción e Xestión Musical e de Artes Escénicas.
Presido a Asociación Música Viva coa que levo a cabo proxectos como o Festival de Música de Cámara Cidade de Pontevedra ou o Curso Musical Manuel Quiroga. Tamén estou na directiva da Asociación de Gaiteiros Galegos, na cal participo da organización de diversas actividades. Con Juan Cernadas iníciome no mundo audiovisual e de fotografía cultural. 
Defínenme a paixón, as ganas de traballar e de aprender de cada proxecto.

​